Նախագիծն առանձնանում է դաշտային աշխատանքների բացառիկ մեծ ծավալով, որոնք կարճ ժամանակահատվածում իրականացվել են Հայաստանի հինգ տարածաշրջաններում՝ Տավուշում, Լոռիում, Շիրակում, Արագածոտնում և Երևանում։ Տվյալների հավաքագրման աշխատանքներում ներգրավվել է շուրջ 40 հարցազրուցավար։
Աշխատանքի ծավալը, աշխարհագրական ընդգրկումը և իրականացման սեղմ ժամկետները նախագիծը դարձրել են հատկապես բարդ կազմակերպչական տեսանկյունից։ Այն ցույց է տվել MEDIA-MODEL-ի կարողությունը՝ կազմակերպելու և համակարգելու մեծածավալ, միաժամանակ տարբեր տարածքներում իրականացվող դաշտային աշխատանքներ, ապահովելու ստանդարտացված հետազոտական ընթացակարգերի հետևողական կիրառումը և խիստ ժամկետներում մեծածավալ տվյալների հավաքագրումը՝ կիրառելով տվյալների որակի վերահսկման իր բազմաստիճան համակարգը։