Ինչպես է «Մեդիա-Մոդել» ՍՊԸ-ն հավաքում, օգտագործում և պաշտպանում անձնական տվյալները։
«Մեդիա-Մոդել» ՍՊԸ-ն (այսուհետ՝ «Media Model», «Ընկերություն» կամ «մենք») Հայաստանում գործող հետազոտական և խորհրդատվական ընկերություն է։ Մենք հարգում ենք անձնական կյանքի գաղտնիությունը և կարևորում ենք անձնական տվյալների օրինական, արդար, թափանցիկ ու անվտանգ մշակումը։
Սույն քաղաքականությունը բացատրում է, թե ինչպես ենք հավաքում, օգտագործում, պահպանում, պաշտպանում և անհրաժեշտության դեպքում փոխանցում անձնական տվյալները։ Այն վերաբերում է mediamodel.am կայքի այցելուներին, մեզ դիմող անձանց և մեր հետազոտությունների մասնակիցներին։
Մենք առաջնորդվում ենք ՀՀ կիրառելի օրենսդրությամբ և հետազոտական մասնագիտական ու էթիկական սկզբունքներով, ներառյալ ICC/ESOMAR միջազգային կանոնագրքի համապատասխան դրույթները։ Առանձին ծրագրերում կարող են կիրառվել լրացուցիչ տեղեկացման և համաձայնության պայմաններ՝ առանց սահմանափակելու օրենքով երաշխավորված իրավունքները։
Սույն քաղաքականությամբ նկարագրված՝ Ընկերության կողմից իրականացվող անձնական տվյալների մշակման համար պատասխանատու է «Մեդիա-Մոդել» ՍՊԸ-ն՝ համապատասխան ծրագրում իր դերի շրջանակներում։ Պատվիրատուների համար իրականացվող ծրագրերում կողմերի պարտականությունները կարող են լրացուցիչ սահմանվել պայմանագրով։ Տվյալների պաշտպանության հարցերով դիմեք info@mediamodel.am հասցեին։
Contact ձևաթղթից կամ էլեկտրոնային նամակից կարող ենք ստանալ անուն, ազգանուն, էլեկտրոնային հասցե, հեռախոսահամար, հաղորդագրություն և կամավոր տրամադրված այլ տեղեկություններ։ Դրանք օգտագործվում են դիմումներին պատասխանելու և հնարավոր համագործակցությունը քննարկելու համար։
Կայքի Contact ձևաթղթով ուղարկված տեղեկությունները փոխանցվում են info@mediamodel.am հասցեին և չեն պահպանվում WordPress-ի տվյալների բազայում։ Նամակները պահպանվում են Ընկերության փոստային համակարգում և հասանելի են միայն համապատասխան իրավասություն ունեցող անձանց։ Խնդրում ենք չուղարկել ավելորդ զգայուն տվյալներ։
Կայքի սերվերը կարող է մշակել IP հասցե, այցելության ժամ, դիտված էջեր, սարքի ու բրաուզերի տեխնիկական բնութագրեր և սերվերային հարցումների տվյալներ՝ կայքի աշխատանքի, սպասարկման և անվտանգության համար։
Մենք իրականացնում ենք դեմ առ դեմ, հեռախոսային և առցանց հարցումներ, խորացված հարցազրույցներ, ֆոկուս-խմբային քննարկումներ և այլ հետազոտություններ։ Ըստ ծրագրի կարող ենք հավաքել պատասխաններ, կարծիքներ, գնահատականներ, սոցիալ-ժողովրդագրական տեղեկություններ, անհրաժեշտ կոնտակտային տվյալներ և, միայն նախնական համաձայնությամբ, ձայնագրություններ կամ տեսաձայնագրություններ։
Որոշ հետազոտություններ կարող են առնչվել առողջության, սոցիալական վիճակի, քաղաքական հայացքների կամ այլ զգայուն տեղեկությունների։ Նման տվյալները մշակվում են միայն համապատասխան նպատակի, իրավական հիմքի և պաշտպանության միջոցների առկայությամբ։ Հավաքում ենք տվյալ ծրագրի համար անհրաժեշտ տեղեկությունները։
Հետազոտություններին մասնակցությունը, որպես ընդհանուր սկզբունք, կամավոր է։ Մասնակիցներին նախապես տեղեկացնում ենք հետազոտության նպատակի, տվյալների օգտագործման և մասնակցության պայմանների մասին։ Նրանք կարող են հրաժարվել մասնակցությունից, չպատասխանել հարցերին կամ դադարեցնել մասնակցությունը։
Երբ մշակումը հիմնված է համաձայնության վրա, այն կարող է հետ կանչվել կիրառելի օրենսդրության համաձայն։ Հետկանչը չի ազդում մինչև այդ օրինական մշակման վրա և չի կարող վերացնել արդեն իսկապես անանուն, անձի հետ այլևս չկապվող վիճակագրական արդյունքները։ Մասնակցության համաձայնությունը չի նշանակում համաձայնություն տվյալների ցանկացած այլ օգտագործման համար։
Առանձին հետազոտություններում հեռախոսահամարը կարող է խնդրվել հետադարձ զանգով հարցազրույցի անցկացման և դաշտային աշխատանքի որակի ստուգման համար։ Տրամադրումը կամավոր է, և նպատակը նախապես բացատրվում է։
Հայաստանում գործող որոշ պատվիրատուների հեռախոսահամարները կարող են փոխանցվել բացառապես այդ որակի վերահսկման նպատակով՝ մասնակցի նախնական տեղեկացմամբ, անհրաժեշտ համաձայնությամբ և այլ կիրառելի պայմաններով։ Դրանք նախատեսված չեն վաճառքի կամ գովազդի համար։
Հարցազրույցները կամ քննարկումները կարող են ձայնագրվել կամ տեսաձայնագրվել միայն մասնակցի նախնական համապատասխան համաձայնությամբ։ Մասնակիցը տեղեկացվում է նպատակի և օգտագործման մասին։ Նյութերն օգտագործվում են վերլուծության, ճշգրտության և որակի ստուգման համար՝ սահմանափակ հասանելիությամբ։ Պատվիրատուին ձայնագրություն կամ նույնականացնող նյութ տրամադրվում է միայն հստակ համաձայնության և համապատասխան իրավական հիմքի առկայությամբ։
Հետազոտության արդյունքները, որպես կանոն, տրամադրվում են ամփոփ վիճակագրության, վերլուծությունների և ապանձնավորված տվյալների տեսքով։ Մենք հաշվի ենք առնում նաև անուղղակի նույնականացման ռիսկերը, ներառյալ որակական հետազոտությունների մեջբերումներում։ Նույնականացնող տեղեկությունների հրապարակումը հնարավոր է միայն անհրաժեշտ իրավական հիմքով և համաձայնությամբ։ Հետազոտական տվյալները չենք օգտագործում մասնակիցներին անհատական գովազդի կամ վաճառքի ենթարկելու նպատակով՝ առանց առանձին իրավաչափ հիմքի։
Տվյալները մշակում ենք հաղորդակցության, հետազոտությունների կազմակերպման և վերլուծության, որակի վերահսկման, պայմանագրերի կատարման, համակարգերի անվտանգության և օրենքով նախատեսված պարտավորությունների համար։ Իրավական հիմքը կախված է նպատակից և կարող է լինել համաձայնությունը, օրենքով նախատեսված պարտավորությունը կամ այլ կիրառելի օրինական հիմք։ Երբ պահանջվում է հատուկ համաձայնություն, այն ստացվում է։
Տվյալներին կարող են հասանելիություն ունենալ իրավասու աշխատակիցները, հետազոտական թիմի անդամները և պայմանագրային համագործակիցները՝ միայն անհրաժեշտ ծավալով։ Պատվիրատուները, որպես կանոն, ստանում են ապանձնավորված արդյունքներ։ Հայաստանում գործող պատվիրատուներին հեռախոսահամարները կարող են փոխանցվել միայն 6-րդ բաժնի պայմաններով։ Այլ նույնականացնող տվյալների կամ ձայնագրությունների փոխանցումը պահանջում է համապատասխան համաձայնություն և իրավական հիմք։
Միջազգային պատվիրատուներին և գործընկերներին հետազոտության մասնակիցների անուններ, հեռախոսահամարներ կամ այլ նույնականացնող անձնական տվյալներ չենք տրամադրում։ Նրանց տրամադրվում են ապանձնավորված հետազոտական տվյալներ։ Տեխնիկական ծառայություն մատուցողները կարող են մշակել տվյալներ ծառայության համար անհրաժեշտ սահմաններում։ Օրենքով նախատեսված դեպքերում տեղեկությունները կարող են տրամադրվել իրավասու մարմիններին։ Մենք չենք վաճառում մասնակիցների անձնական տվյալները։
Կիրառում ենք կազմակերպական և տեխնիկական պաշտպանական միջոցներ։ Հետազոտական ֆայլերը, որպես կանոն, գաղտնաբառով պաշտպանված են, իսկ հասանելիությունը սահմանափակ է։ Ծրագրերի ընթացքում կարող ենք օգտագործել մասնագիտացված ամպային հարթակներ։ Ծրագրի ավարտից և անհրաժեշտ աշխատանքներից հետո տվյալները հեռացվում են այդ հարթակներից՝ հաշվի առնելով ծառայության տեխնիկական և պայմանագրային պայմանները։ Անհրաժեշտ տվյալները արխիվացվում են Ընկերության վերահսկողության ներքո։
Տվյալները պահպանում ենք այնքան, որքան անհրաժեշտ է նպատակների, որակի վերահսկման, պայմանագրային և օրենսդրական պարտավորությունների համար։ Երբ պահպանումն այլևս անհրաժեշտ կամ իրավաչափ չէ, տվյալները ենթակա են ջնջման կամ ապանձնավորման։ Իրապես անանուն տվյալները կարող են պահպանվել հետագա հետազոտական և վերլուծական նպատակներով։
Երեխաների մասնակցությամբ հետազոտություններում առաջնահերթ են նրանց իրավունքները, անվտանգությունը և բարեկեցությունը։ Ըստ տարիքի, հետազոտության բնույթի և կիրառելի պահանջների՝ ապահովում ենք ծնողի կամ օրինական ներկայացուցչի անհրաժեշտ համաձայնությունը, ինչպես նաև երեխայի տարիքին ու հասունությանը համապատասխան համաձայնությունը կամ մասնակցելու պատրաստակամությունը։ Կիրառում ենք համապատասխան ծրագրերի, այդ թվում՝ UNICEF-ի էթիկայի և երեխաների պաշտպանության պահանջները, երբ դրանք կիրառելի են։
Կայքը կարող է օգտագործել քուքիներ՝ բնականոն աշխատանքի և նախընտրությունների պահպանման համար։ wp-wpml_current_language քուքին հիշում է ընտրված լեզուն։ WordPress-ը կարող է օգտագործել նաև ադմինիստրատորների մուտքի և անվտանգության տեխնիկական քուքիներ։
Մեր կայքն օգտագործում է Google Analytics 4 ծառայությունը՝ կայքի այցելությունների վիճակագրությունը վերլուծելու, այցելուների կողմից կայքի օգտագործման առանձնահատկությունները հասկանալու և կայքի աշխատանքը բարելավելու նպատակով։
Google Analytics-ի միջոցով կարող են հավաքագրվել տեղեկություններ այցելությունների քանակի, դիտված էջերի, այցելությունների տևողության, օգտագործվող սարքերի և բրաուզերների, մոտավոր աշխարհագրական տեղանքի և այցելության աղբյուրների վերաբերյալ։
Այս նպատակով Google Analytics-ը կարող է օգտագործել վերլուծական քուքիներ, այդ թվում՝ _ga և _ga_<ID>։
Վերլուծական քուքիներն օգտագործվում են միայն այցելուի նախնական համաձայնությամբ։ Կայք մուտք գործելիս այցելուն կարող է ընդունել կամ մերժել դրանց օգտագործումը։
Վերլուծական քուքիներից հրաժարվելը չի սահմանափակում կայքի հիմնական գործառույթներից օգտվելու հնարավորությունը։ Այցելուն կարող է նաև հետագայում փոխել իր համաձայնության ընտրությունը։
Google Analytics-ի միջոցով ստացվող տվյալները մշակվում են Google-ի համապատասխան գաղտնիության և ծառայության օգտագործման պայմանների համաձայն։
Կայքի որոնողական տեսանելիության և տեխնիկական վիճակի գնահատման համար օգտագործվում է Google Search Console ծառայությունը։ Այն կայքի այցելուների բրաուզերներում առանձին վերլուծական քուքիներ տեղադրելու անհրաժեշտություն չունի և տրամադրում է որոնողական վիճակագրություն։
Այցելուն կարող է կառավարել կամ ջնջել քուքիները բրաուզերի կարգավորումներով։ Որոշ անհրաժեշտ քուքիների արգելափակումը կարող է ազդել կայքի առանձին հնարավորությունների վրա։
Google Fonts. Կայքի տառատեսակները բեռնվում են Google-ի սերվերներից, ինչի ընթացքում Google-ին կարող են փոխանցվել IP հասցե և բրաուզերի տեխնիկական տվյալներ։
Google Maps. Contact բաժնի քարտեզը բեռնվում է Google Maps-ի միջոցով, ինչի ընթացքում Google-ին կարող են փոխանցվել IP հասցե և տեխնիկական տվյալներ։ Այս փոխանցումները կարող են տեղի ունենալ անկախ Google Analytics-ի քուքիների վերաբերյալ ընտրությունից։ Ծառայությունների մշակումը կարգավորվում է նաև Google-ի համապատասխան պայմաններով։
Միջազգային պատվիրատուներին տրամադրում ենք միայն ապանձնավորված հետազոտական տվյալներ, ոչ մասնակիցների նույնականացնող անձնական տվյալներ։ Միաժամանակ արտաքին տեխնիկական և մասնագիտացված ամպային ծառայությունների միջոցով որոշ անձնական տվյալներ կարող են մշակվել կամ փոխանցվել ՀՀ սահմաններից դուրս։ Այդ դեպքերում հաշվի ենք առնում կիրառելի օրենքը, մատակարարների պայմանները և անհրաժեշտ պաշտպանության միջոցները։
Օրենսդրությամբ սահմանված պայմաններով Դուք կարող եք տեղեկանալ տվյալների մշակման մասին, պահանջել հասանելիություն, ուղղում, ջնջում կամ մշակման դադարեցում, հետ կանչել համաձայնությունը և օգտվել պաշտպանության այլ միջոցներից։ Դիմումները ուղարկեք info@mediamodel.am հասցեին։ Մենք կպատասխանենք օրենքով սահմանված ժամկետներում։ Կարող եք նաև դիմել ՀՀ արդարադատության նախարարության Անձնական տվյալների պաշտպանության գործակալությանը։
Մենք կարող ենք թարմացնել քաղաքականությունը՝ օրենսդրության, գործունեության կամ տեխնոլոգիաների փոփոխությունների պատճառով։ Նոր տարբերակը հրապարակվում է այս էջում՝ թարմացման ամսաթվով։ Անհրաժեշտության դեպքում կապահովենք լրացուցիչ տեղեկացում կամ համաձայնություն։
«Մեդիա-Մոդել» ՍՊԸ (Media Model LLC)
Կիևյան փ. 12, գրասենյակ 10, Երևան, Հայաստան, 0028
Էլ. փոստ՝ info@mediamodel.am
Հեռախոս՝ +374 10 270873
Կայք՝ www.mediamodel.am