Ծրագրի համաֆինանսավորումն իրականացվել է Ասիական զարգացման բանկի (ԱԶԲ) կողմից։ ՀՕՏԾ-ն մշակվել է Անվտանգության մեխանիզմների քաղաքականության (այսուհետ՝ ԱՄՔ 2009 թ.) սկզբունքներին համապատասխան և ներառում է ծրագրի ազդեցությունների ու արժեքների գնահատում, ինչպես նաև մանրամասն գործողությունների պլան՝ ծրագրի արդյունքում ազդեցության ենթակա անձանց (ԱԵԱ) և տնային տնտեսություններին (ՏՏ) ՀՕՏ վերականգնողական միջոցառումների և փոխհատուցումների տրամադրման համար։
Իրականացում
Media-Model-ի խորհրդատվական թիմը իրականացրել է Քաղաքային կայուն զարգացման ծրագրի Տրանշ 1-ի ՀՕՏԾ 3-ը՝ Երևանի Շիրակի փողոցի, Արտաշատի խճուղու և Արշակունյաց փողոցի համապատասխան հատվածներում։
Ծրագիրը ներառել է ոչ միայն գույքերի օտարման, այլև անհրաժեշտ դեպքերում վերաբնակեցման և դատական գործընթացների կազմակերպում։ Իրականացված աշխատանքներն ընդգրկել են՝
- ազդեցության ենթակա անձանց պաշտոնական ծանուցում և բանակցությունների վարում
- օտարման պայմանագրերի և փոխհատուցման համաձայնագրերի պատրաստում
- փաստաթղթերի հավաքագրում և համակարգում
- իրավակազմակերպական խնդիրների կարգավորման աջակցություն
- օտարման գործընթացի կազմակերպում
- փոխհատուցումների տրամադրման և վերաբնակեցման կազմակերպում
- նոտարական գործարքների իրականացում
- կադաստրային և պետական գրանցման գործընթացների կազմակերպում
- դատական հայցերի նախապատրաստում
- գույքի օտարման հետ կապված դատական գործերի վարում
Ծրագրի իրականացման ընթացքում պահպանվել է համագործակցությունը համապատասխան պետական և տեղական մարմինների հետ։
