Ծրագրի համաֆինանսավորումն իրականացվել է Վերակառուցման և զարգացման եվրոպական բանկի (ՎԶԵԲ), Եվրոպական Ներդրումային Բանկի (ԵՆԲ) և Ասիական զարգացման բանկի (ԱԶԲ) կողմից։ ՀՕՏԾ-ն մշակվել է ԱԶԲ Անվտանգության մեխանիզմների քաղաքականության (այսուհետ՝ ԱՄՔ 2009 թ.) սկզբունքներին համապատասխան և ներառում է ծրագրի ազդեցությունների ու արժեքների գնահատում, ինչպես նաև մանրամասն գործողությունների պլան՝ ծրագրի արդյունքում ազդեցության ենթակա անձանց (ԱԵԱ) և տնային տնտեսություններին (ՏՏ) ՀՕՏ վերականգնողական միջոցառումների և փոխհատուցումների տրամադրման համար։
Իրականացում
Media-Model-ի խորհրդատվական թիմը 2022 թ. հոկտեմբերից իրականացնում է Հյուսիս–հարավ ճանապարհային միջանցքի ներդրումային ծրագրի Տրանշ 4-ի՝ Քաջարան–Ագարակ ճանապարհահատվածի Lot 1-ի 1-ին և 2-րդ ենթահատվածների ՀՕՏԾ-ն։ Աշխատանքն ընդգրկում է ազդեցության ենթակա գույքերի օտարման գործընթացի կազմակերպման և իրականացման ամբողջական ցիկլը։
Տրանշ 4-ի Քաջարան–Ագարակ հատվածի ՀՕՏԾ-ի 1-ին հատվածի 1-ին և 2-րդ ենթահատվածների իրականացման շրջանակում ՀՕՏԾ իրականացնող թիմի կողմից ըստ փուլերի իրականացվել են հետևյալ գործողությունները՝
- օտարման պայմանագրերի և փոխհատուցման համաձայնագրերի նախագծերի պատրաստում և ԱԵԱ-ների ծանուցում
- ԱԵԱ-ների հետ հանդիպումներ և բանակցությունների իրականացում
- ի հայտ եկած խնդիրների կարգավորում
- օտարման պայմանագրերի և փոխհատուցման համաձայնագրերի ստորագրում, փոխհատուցումների տրամադրման կազմակերպում
- պետական գրանցումների իրականացում
- դատական կարգով օտարման գործընթացի իրականացում
ՀՕՏԾ-ի շրջանակում իրականացնող թիմի կողմից նախաձեռնվել են ավելի քան 80 դատական գործեր։ Դրանք այն դեպքերն են, երբ փոխհատուցման պայմանների շուրջ գույքերի սեփականատերերի հետ համաձայնության հասնել չի հաջողվել։ Արդյունքում, ՀՀ օրենսդրությամբ սահմանված կարգով և ժամկետներում, փոխհատուցման ենթակա գումարը փոխանցվել է դատարանի դեպոզիտ հաշվին և նախաձեռնվել է դատական գործընթաց։
