Ծրագրի համաֆինանսավորումն իրականացվել է Ասիական զարգացման բանկի (ԱԶԲ) կողմից։ ՀՕՏԾ-ն մշակվել է Անվտանգության մեխանիզմների քաղաքականության (այսուհետ՝ ԱՄՔ 2009 թ.) սկզբունքներին համապատասխան և ներառում է ծրագրի ազդեցությունների ու արժեքների գնահատում, ինչպես նաև մանրամասն գործողությունների պլան՝ ծրագրի արդյունքում ազդեցության ենթակա անձանց (ԱԵԱ) և տնային տնտեսություններին (ՏՏ) ՀՕՏ վերականգնողական միջոցառումների և փոխհատուցումների տրամադրման համար։
Իրականացում
Media-Model-ը իրականացրել է Հյուսիս–հարավ ճանապարհային միջանցքի ներդրումային ծրագրի Տրանշ 2-ի Աշտարակ–Թալին 42 կմ ճանապարհահատվածի Հողի օտարման և տարաբնակեցման ծրագիրը։ Սա Media-Model-ի առաջին խոշորածավալ ՀՕՏԾ իրականացման ծրագրերից էր՝ ընդգրկելով մեծ թվով ազդեցության ենթակա գույքեր և անձինք ճանապարհային միջանցքի երկայնքով։
Այս ծրագիրը համարվում է Հայաստանի պատմության մեջ առաջին լայնածավալ ՀՕՏԾ-ն։
Իրականացված աշխատանքները ներառել են՝
- ազդեցության ենթակա անձանց պաշտոնական ծանուցում
- ազդեցության ենթակա անձանց հետ բանակցությունների վարում
- օտարման պայմանագրերի և փոխհատուցման համաձայնագրերի պատրաստում
- գույքային և այլ անհրաժեշտ փաստաթղթերի հավաքագրում և համակարգում
- իրավակազմակերպական խնդիրների կարգավորման աջակցություն
- գույքերի օտարման գործընթացի կազմակերպում
- փոխհատուցումների տրամադրման կազմակերպում
- նոտարական գործարքների իրականացում
- կադաստրային և պետական գրանցման գործընթացների կազմակերպում
- համապատասխան պետական և տեղական մարմինների հետ գործընթացի համակարգում
