Ծրագրի համաֆինանսավորումն իրականացվել է Ասիական զարգացման բանկի (ԱԶԲ) կողմից։ ՀՕՏԾ-ն մշակվել է Անվտանգության մեխանիզմների քաղաքականության (այսուհետ՝ ԱՄՔ 2009 թ.) սկզբունքներին համապատասխան և ներառում է ծրագրի ազդեցությունների ու արժեքների գնահատում, ինչպես նաև մանրամասն գործողությունների պլան՝ ծրագրի արդյունքում ազդեցության ենթակա անձանց (ԱԵԱ) և տնային տնտեսություններին (ՏՏ) ՀՕՏ վերականգնողական միջոցառումների և փոխհատուցումների տրամադրման համար։
Իրականացում
Media-Model-ը իրականացնում է Հյուսիս–հարավ ճանապարհային միջանցքի ներդրումային ծրագրի Տրանշ 2-ում նոր ծրագրի համար ՈՒԳՊ/ՀՕՏԾ լրացման, ինչպես նաև Տրանշ 2-ում և Տրանշ 3-ում հաղորդակցուղիների տեղափոխման համար ՈՒԳՊ(ների) իրականացման աշխատանքները։ Աշխատանքն ընդգրկում է ազդեցության ենթակա գույքերի օտարման գործընթացի կազմակերպման և իրականացման ամբողջական ցիկլը։
Ազդեցության ենթակա միավորների ընդհանուր թվով սա Հայաստանում իրականացված ամենալայնածավալ օտարման գործընթացն է։ Ծրագիրը բաղկացած է մի քանի ենթածրագրերից՝
- «Ագարակ» պատմամշակութային արգելոցը շրջանցող (8 կմ) ճանապարհահատված և Տրանշ 2-ի «Ագարակ» պատմամշակութային արգելոցը շրջանցող ճանապարհահատվածի ՀՕՏԾ լրացման Ագարակի և Աղձքի հատված (Ագարակ 2 կմ)
- Տրանշ 2-ի հաղորդուղիների տեղափոխման հատված
- Տրանշ 3-ի Թալին–Լանջիկ հատվածի դաշտամիջյան ճանապարհների մուտքերի կառուցման հատված
- Տրանշ 2-ի շրջանակներում Աշտարակ–Թալին ճանապարհի (կմ 37+545 – կմ 71+435 (34 կմ)) միջդաշտային և դեպի հողամասեր մուտքային ճանապարհների և Նոր Եդեսիայի խաչմերուկի կառուցման հատված
- Տրանշ 3-ի հաղորդուղիների տեղափոխման հատված
Հիմնական աշխատանքները ներառել են, սակայն չեն սահմանափակվել հետևյալով՝
- ազդեցության ենթակա անձանց պաշտոնական ծանուցում և բանակցությունների վարում
- օտարման պայմանագրերի և փոխհատուցման համաձայնագրերի պատրաստում
- գույքային և այլ անհրաժեշտ փաստաթղթերի համակարգում
- սեփականության, ժառանգության, օրինականացման և այլ իրավակազմակերպական խնդիրների կարգավորման աջակցություն
- օտարման գործընթացի կազմակերպում և յուրաքանչյուր դեպքի ընթացքի վերահսկում
- փոխհատուցումների տրամադրման կազմակերպում
- նոտարական գործարքների և կադաստրային ու պետական գրանցման գործընթացների իրականացում
- անհրաժեշտության դեպքում դեպոզիտ հաշիվների միջոցով օտարման գործընթացի կազմակերպում
- դատական կարգով օտարման գործընթացների նախաձեռնում և դատական գործերի վարում
- համապատասխան պետական և տեղական մարմինների հետ աշխատանքների համակարգում
Դատական կարգով օտարման ենթակա միավորների մասով նախաձեռնվել և վարվել են դատական գործընթացներ։ Նշված ՀՕՏԾ-ի շրջանակում նախաձեռնված և վարված դատական գործերի քանակը գերազանցում է 160-ը։
